حضرت بابا موج دریا بخاریؒ اورحضرت سید عبدالرزاق المعروف بابا شاہ چراغ کے سالانہ عرس مبارک تقریبات کا آغاز

 عرس مبارک کی تقریبات کا آغاز سیکر ٹری اوقاف نے رسم چادر پوشی و چادر گل پوشی سے کیا ملک کی ترقی و سلامتی کے لئے خصوصی دعا کی گئی، عرس مبارک کی تقریبات تین یوم تک جاری رہیں گی

حضرت بابا موج دریا بخاریؒ اورحضرت سید عبدالرزاق المعروف بابا شاہ چراغ کے سالانہ عرس مبارک تقریبات کا آغاز

لاہور : محکمہ اوقاف ومذہبی امور پنجاب کے زیر اہتمام حضرت با با موج دریا بخاریؒ کے 458ویں سالانہ عرس مبارک اور حضرت سید عبدالرزاق المعروف بابا شاہ چراغ کے سالانہ عرس مبارک کی تین روزہ تقریبات کا آغازڈائریکٹر جنرل ڈاکٹر طاہر رضابخای نے دربار پر چادرپوشی و چادر گل پوشی چڑھا کر کیا۔اس موقع پر زونل ناظم اوقاف لاہور،منیجر اوقاف سرکل نمبر2لاہور سمیت دیگر زائرین نے کثیر تعداد میں شرکت کریں کی اور ملک کی ترقی و سلامتی کے لئے خصوصی دعا بھی کی گئی۔عرس مبارک کی تقریبات تین یوم تک جاری رہیں گی۔

اس موقع پرانہوں نے کہا کہ صوفیاء نے اس خطے میں جو طرزِ معاشرت استوار کی اس میں شرفِ آدمیت اور تکریم انسانیت کو بنیادی اہمیت حاصل ہے،صوفیاء نے رنگ ونسل اور علاقائی وقبائلی تقسیم سے بالا ہوکر رواداری،اخوت اور انسان دوستی جیسے جذبوں کو فراواں کیا گیااور معاشرتی تحفظات اور سوشل سیکیورٹی کی بہم رسانی کویقینی بنایا۔ دہشت گردی اور انتہا پسندی کے خاتمے کے لیے صوفیاء کی تعلیمات کا ابلاغ وقت کی اہم ضرورت ہے۔اسی سے دُکھی انسانیت کو سکون اور روادانہ فلاحی معاشرے کی منزل میسر آسکی گی۔ دونوں عرس مبارک کے موقع پر زائرین کے لیے وسیع لنگراور سکیورٹی کے سخت انتظامات بھی کیے گئے ہیں۔