پاک چین اقتصادی راہداری کے تحت بجلی کے 9 منصوبے مکمل

پاک چین اقتصادی راہداری کے تحت بجلی کے 9 منصوبے مکمل

اسلام آباد :پاک چین اقتصادی راہداری (سی پیک) کے تحت توانائی کے شعبے میں بڑی پیش رفت جاری ہے، منظور شدہ 22 توانائی کے منصوبوں میں سے 9 منصوبے مکمل ہوگئے۔تفصیلات کے مطابق پاک چین اقتصادی راہداری کے تحت منظور شدہ 9 توانائی کے منصوبے مکمل کر لیے گئے ہیں۔

منصوبوں کا مقصد بجلی کی ضروریات پوری کرنا ہے، مکمل شدہ 9 منصوبوں سے 5 ہزار 320 میگاواٹ بجلی پیدا کی جارہی ہے۔ان منصوبوں میں کوئلے کے 13 سو 20 میگا واٹ کے ساہیوال، پورٹ قاسم اور چائنا حب منصوبے شامل ہیں۔ 660 واٹ کا اینگرو تھر اور 400 میگا واٹ قائد اعظم سولر پارک منصوبے بھی مکمل ہوچکے ہیں۔مزید 4 ہزار 470 میگا واٹ کے 8 منصوبے تکمیل کے آخری مراحل میں داخل ہوچکے ہیں۔

ان کے علاوہ کوہالہ، تھر اور آزاد پتن سمیت 5 منصوبے بھی پائپ لائن میں شامل ہیں۔ان منصوبوں کی تکمیل سے ملکی ضروریات پوری ہونے سمیت بجلی برآمد بھی کی جاسکے گی، سی پیک منصوبوں میں توانائی کے منصوبوں پر خصوصی توجہ دی گئی ہے