فلسطینی صحافی شیریں ابوعاقلہ کا قتل،اسرائیل کا تحقیقات میں تعاون سے انکار

فلسطینی صحافی شیریں ابوعاقلہ کا قتل،اسرائیل کا تحقیقات میں تعاون سے انکار

مقبوضہ بیت المقدس: اسرائیل نے فلسطینی صحافی شیریں ابو عاقلہ کے قتل کی تحقیقات میں امریکا سے تعاون کرنے سےانکار کردیا۔

غیرملکی میڈیا کے مطابق اسرائیل کے وزیر دفاع بینی گانتس نے بیان میں کہا ہے کہ امریکی حکام کی جانب سے شیریں ابو عاقلہ کے قتل کی  تحقیقات شروع کرنا غلطی ہے۔ اسرائیل تحقیقات میں امریکا سے تعاون نہیں کرے گا۔ امریکی محکمۂ انصاف نے اسرائیلی وزارت انصاف کو مطلع کیا ہے کہ ایف بی آئی نے شیریں ابو عاقلہ کی ہلاکت کے حوالے سے تحقیقات شروع کی ہے۔

شیریں ابو عاقلہ کو رواں سال مئی میں اسرائیلی فوجیوں نے اس وقت فائرنگ کرکے شہید کردیا تھا جب وہ مغربی کنارے میں فلسطینی مہاجرکیمپ پراسرائیلی فورسز کے چھاپے کی کوریج کررہی تھیں۔ شیریں ابو عاقلہ نے واقعہ کے وقت پریس کی جیکٹ بھی پہن رکھی تھی لیکن اس کے باوجود اسرائیلی فوجیوں نے انہیں براہ راست نشانہ بنایا۔