بھکر: ڈی پی او بھکر کیپٹن (ر) محمد علی ضیاءکے زیر صدارت دریاخان سرکل کی کرائم میٹنگ

تمام مقدمات کا انفرادی طور پر تفصیلی جائزہ لیا گیا اور تفتیشی افسران کی کارکردگی کا مشاہدہ کیا

بھکر: ڈی پی او بھکر کیپٹن (ر) محمد علی ضیاءکے زیر صدارت دریاخان سرکل کی کرائم میٹنگ

بھکر: ڈی پی او بھکر کیپٹن ( ر) محمد علی ضیاءکے زیر صدارت دریاخان سرکل کی کرائم میٹنگ۔تمام مقدمات کا انفرادی طور پر تفصیلی جائزہ لیا گیا اور تفتیشی افسران کی کارکردگی کا مشاہدہ کیا۔ تفصیلات کے مطابق جرائم کے خاتمے، مجرمان کی سرکوبی اور پولیس ورکنگ کا جائزہ لینے کیلئے ڈی پی او بھکر نے سرکل وائز تمام تھانوں کی کرائم میٹنگ منعقد کرنے کے احکامات دیے ہیں۔کرائم میٹنگ میں متعلقہ سرکل کے تمام تھانہ جات کے زیر التواءمقدمات کا جائزہ لیا جائے گا۔

اس ضمن میں میٹنگ ہال ڈی پی او آفس میں دریاخان سرکل کی کرائم میٹنگ منعقد کی گئی۔ میٹنگ میں ایس ڈی پی او دریاخان سرکل عامر عباس شیرازی،جملہ ایس ایچ اوز اور انویسٹی گیشن افسران دریاخان سرکل نے شرکت کی۔ اس دوران تھانہ وائز تمام زیر تفتیش مقدمات کو انفرادی طور پر ڈسکس کیا گیا۔ ہر تھانے کے زیر تفتیش مقدمات، چوری کی وارداتیں، مجرمان اشتہاریوں کی گرفتاری، نامزد ملزمان کی گرفتاری، اسلحہ و منشیات کی برآمدگی، سود خوروں کے خلاف کاروائی، اخلاقی برائیوں کے خلاف اقدامات اور موٹر سائیکل و دیگر گاڑیوں کی چوری ہونے کے حوالے تفصیلی استفسار کیا گیا۔ 

ڈی پی او بھکرنے اس موقع پر موجود جملہ پولیس افسران و اہلکاران کو ہدایت کی کہ پولیس ورکنگ کے حوالے اپنی کارکردگی کو مزید بہتر بنائیں۔ موٹر سائیکل و دیگر گاڑی چوری کرنیوالے گینگ کے خلاف کاروائی کرے۔گشت کے نظام کو مزید موثر بنایا جائے اور اس ضمن میں ملحقہ اضلاع سے بھی معلومات کا تبادلہ کیا جائے۔مجرمان اشتہاری و نامزد ملزمان کی گرفتاریوں کو یقینی بناتے ہوئے زیر التواءمقدمات کو حقائق کی روشنی میں جلد از جلد یکسو کیا جائے۔ معاشرتی برائیوں کے خلاف کریک ڈاون کو مزید موثر و تیز کیا جائے۔ ہر ایس ایچ او و تفتیشی افسر کی انفرادی کارکردگی کو باریک بارینی سے مانیٹر کیا جارہا ہے۔