رونالڈو کی گرل فرینڈ جارجینا روڈریگز سے مشابہت والی اداکارہ سوشل میڈیا پر وائرل

رونالڈو کی گرل فرینڈ جارجینا روڈریگز سے مشابہت والی اداکارہ سوشل میڈیا پر وائرل

ریاض: پرتگال کے اسٹار فٹبالر کرسٹیانو رونالڈو کی گرل فرینڈ جارجینا روڈریگز سے مشابہت رکھنے والی اداکارہ ریما النازی سوشل میڈیا پر وائرل ہوگئیں۔

غیر ملکی خبر رساں ایجنسی کی رپورٹ کے مطابق ریما النازی نے ارجنٹائن میں پیدا ہونے والی ہسپانوی ماڈل سے مشابہت کی وجہ سے توجہ مبذول کرائی ہے، اداکارہ کا کہنا ہے کہ جارجینا روڈریگز جیسا نظر آنے کے لیے کوئی سرجری نہیں کروائی۔

انہوں نے اپنے انٹرویو میں کہا کہ میں جارجینا سے ملنا چاہتی ہوں اور یہ فیصلہ ان پر چھوڑا چاہتی ہوں کہ کیا میں انکی طرح دِکھتی ہوں، البتہ میرے چہرے کی رونالڈو کی گرل فرینڈ سے مماثلت مجھے عالمی شہرت دلائے گی۔

ریما نے کہا کہ وہ شروع میں حیران رہ گئیں جب کچھ لوگوں نے انہیں روک کر پوچھا کہ رونالڈو کہاں ہے؟۔

دوسری جانب النصر فٹبال کلب سے معاہدے کے بعد رونالڈو اور انکی گرل فرینڈ ان دنوں سعودی عرب کے دارالحکومت ریاض میں بچوں کے ہمراہ ہوٹل میں رہائش پذیر ہیں۔