عالمی جونیئر ہاکی ورلڈ کپ،پاکستان جونیئرٹیم بھارت پہنچ گئی

عالمی جونیئر ہاکی ورلڈ کپ،پاکستان جونیئرٹیم بھارت پہنچ گئی

نئی دہلی(سپورٹس ڈیسک) عالمی جونیئر ہاکی ورلڈ کپ میں شرکت کے لیے پاکستان جونیئر ہاکی ٹیم بھارت پہنچ گئی۔ عالمی جونیئر ہاکی کپ میں شرکت کے لیے پاکستان جونیئر ہاکی ٹیم نئی دہلی پہنچی تو پاکستان کے ہائی کمشنر  نے ٹیم کا استقبال کیا۔

پاکستان ہائی کمیشن کی جانب سے قومی جونیئر ہاکی اسکواڈ کے اعزاز میں ظہرانہ دیا گیا۔ظہرانے کے بعدجونیئر ہاکی ٹیم بھونیشور کے لئے روانہ ہوگئی۔ پاکستان ہاکی ٹیم ہفتے کو چلی اور اتوار کو کینیڈا کے خلاف پریکٹس میچز کھیلے گی۔

جونیئر ورلڈکپ کا آغاز 24 نومبر سے بھونیشور میں ہورہا ہے۔پاکستان اپنا پہلا میچ جرمنی کیخلاف کھیلے گا۔