وزیراعظم عمرا ن خان سے تیونس کے سفیر کی ملاقات

وزیراعظم عمرا ن خان سے تیونس کے سفیر کی ملاقات

اسلام آباد :وزیراعظم عمرا ن خان نے کہا ہے کہ پاکستان تیونس کے ساتھ اپنے تعلقات کو بہت اہمیت دیتا ہے جو مشترکہ مذہب ،ثقافت اور تاریخ پر مبنی ہے۔انہوں نے ان خیالات کااظہار بدھ کو یہاں پاکستان میں تیونس کے سفیر برہان الکامل سے گفتگوکرتے ہوئے کیا جنہوں نے وزیراعظم سے ملاقات کی۔ ملاقات میں دو طرفہ تعلقات اور بین الاقوامی امور پر تبادلہ خیال کیا گیا۔ وزیراعظم عمران خان نے مسلم امہ کے رہنمائوں کے نام خطوط تحریر کئے ہیں جن میں اسلامو فوبیا کے مسئلہ اور دنیا بھر میں مسلمان ممالک کی طرف سے اس معاملے کو مل کر اٹھانے پر زور دیا گیاہے۔

تیونس کے سفیر نے وزیراعظم کے خط کے جواب میں تیونس کے صدر کی طرف سے ایک خط بھی ان کے حوالے کیا۔ وزیراعظم نے مسلمان رہنمائوں کے نام تحریر کردہ خط میں مسلمانوں کو نشانہ بنانے کی مہم کے خلاف مل کر فوری کوششیں کرنے کی ضرورت پر زور دیا تھا اور کہا تھا کہ مسلم امہ کو مذاکرات اور مختلف مذاہب کے درمیان بقائے باہمی کو مزید مضبوط بنایا جانا چاہیے