وزیر اعظم عمران خان کی خصوصی ہدایت پر وزیر خارجہ مخدوم شاہ محمود قریشی ،فلسطین امن سفارتی مشن کامیابی سے مکمل کرنے کے بعد اسلام آباد پہنچ گئے

وزیر اعظم عمران خان کی خصوصی ہدایت پر وزیر خارجہ مخدوم شاہ محمود قریشی ،فلسطین امن سفارتی مشن کامیابی سے مکمل کرنے کے بعد اسلام آباد پہنچ گئے

اسلام آباد :وزیر اعظم عمران خان کی خصوصی ہدایت پر وزیر خارجہ مخدوم شاہ محمود قریشی ،فلسطین امن سفارتی مشن کامیابی سے مکمل کرنے کے بعد نیویارک سے اسلام آباد پہنچ گئے۔اسلام آباد ائرپورٹ پر وزیر خارجہ کا فقید المثال استقبال کیا گیا۔اسلام آباد ایئر پورٹ پر سینکڑوں پاکستانیوں نے “تالیوں کی گونج” میں وزیر خارجہ کا خیر مقدم کیا۔ائرپورٹ پر موجود سینکڑوں افراد نے وزیر خارجہ کی سفارتی کامیابی کو سراہتے ہوئے زبردست نعرے بازی کی اور پھول نچھاور کیے گئے ۔

ائرپورٹ پر وزیر خارجہ مخدوم شاہ محمود قریشی کا استقبال کرنے والوں ممبران پارلیمنٹ،تحریک انصاف پاکستان کے عہدیداران و کارکنان اور عوام الناس کی بڑی تعداد شامل تھی۔ اس موقع پروزیر اعظم عمران خان اور وزیر خارجہ مخدوم شاہ محمود قریشی کی قیام امن اور اتحاد بین المسلمین کیلئےسفارتی کاوشوں کو سراہا گیا اور فلسطین امن سفارتی مشن کی کامیابی پر مبارکباد دی۔میڈیا نمائندگان کی کثیر تعداد ائرپورٹ پر موجود تھی۔وزیر خارجہ نے ائرپورٹ سے باہر موجود میڈیا نمائندگان سے گفتگو کی اور انہیں اس امن سفارتی مشن اور دورہ نیویارک کی تفصیلات سے آگاہ کیا۔وزیر خارجہ نے اس کامیابی کو اللہ کے فضل و کرم، وزیر اعظم عمران خان کی بے لوث قیادت اور پاکستانیوں کی دلی دعاؤں کا ثمر قرار دیتے ہوئے اس پذیرائی پر سب کا شکریہ ادا کیا