اداکارہ ایمن سلیم نے شوبز انڈسٹری چھوڑنے کی وجہ بتا دی

اداکارہ ایمن سلیم نے شوبز انڈسٹری چھوڑنے کی وجہ بتا دی

لاہور(شوبز ڈیسک):پاکستان کی ابھرتی اداکارہ و ماڈل ایمن سلیم نے شوبز انڈسٹری چھوڑنے کے فیصلے اور واپسی کی وجہ بتا دی ہے۔ حال ہی میں اداکارہ ایمن سلیم کی جانب سے ایک یوٹیوب کے لیے دیئے گئے  انٹرویو میں اپنے آنے والے نئے پروجیکٹس اور شوبز میں واپسی سے متعلق بات کی گئی۔

شوبز انڈسٹری چھوڑنے کے اعلان کے بعد دوبارہ واپسی سے متعلق پوچھے گئے سوال کے جواب میں ایمن سلیم کا کہنا تھا کہ ’وہ انڈسٹری میں کام کرنے سے متعلق واضح سوچ نہیں رکھتی تھیں، انڈسٹری میں رہنے کے لیے آپ کو ہر وقت کسی کردار میں رہنا پڑتا ہے حتیٰ کہ آپ کسی تقریب میں ہی کیوں نہ ہوں، وہ ایسی مصنوعی زندگی نہیں جینا چاہتی تھیں اور وہ پہلے اس کے لیے تیار بھی نہیں تھیں۔‘

ایمن سلیم نے مزید کہا کہ ’اُنہوں نے اپنے شائقین سے وعدہ کیا ہے کہ وہ ہمیشہ مثبت، مضبوط کردار اور ایسے پروجیکٹس کریں گی جس کے آخر میں  کوئی پیغام ملے۔‘