سراج الحق کی اپیل پر ملک بھر میں یوم انسداد سود منا گیا

سراج الحق کی اپیل پر ملک بھر میں یوم انسداد سود منا گیا

راولپنڈی: امیر جماعت اسلامی پاکستان سراج الحق کی اپیل پر ملک بھر میں یوم انسداد سود منا گیا۔

راولپنڈی صادق آباد چوک میں احتجاجی مظاہرہ کیا گیا جس کی قیادت رضا احمد شاہ نے کی اور حکومت سے مطالبہ کیا گیا کہ حکومت انسداد سود معاشی پالیسی کا اعلان کرے۔

مظاہرہ سےرضا احمد شاہ نائب امیر ضلع راولپنڈی قاضی ظہیر امیر زون پی پی17 اسد رضا شیخ خالد گکھڑ، زاہد کیانی ایڈووکیٹ  دیگر رہنماؤں نے خطاب کیا۔

 مقررین نے کہا کہ  سود کی حرمت قرأن اور احادیث مبارکہ سے واضح ہے۔ وفاقی شرعی عدالت دو مرتبہ پاکستان میں سودی نظام کے خاتمے کے احکامات دے چکی ہے، مگر افسوس کہ ہمارے حکمران مغرب سے ڈرتے ہوئے سود کے نظام کو ختم کرنے سے ہچکچاتے  ہیں۔

انہوں نے کہا کہ  وفاقی وزیر خزانہ اسحاق ڈار نے چند ہفتے قبل یہ اعلان کیا تھا کہ وفاقی شرعی عدالت کے سود کے خلاف فیصلے پر سپریم کورٹ میں کی گئی اپیلیں واپس کر دی جائیں گی  اور ملک میں اسلامی مالیاتی نظام کو رائج کیا جائے گا  مگر افسوس کہ کئی ہفتے گزرنے کے باوجود  سودی نظام کے خاتمے کے لئے کوئی عملی اقدامات نہیں اٹھانے گئے ہیں ۔جس سے شکوک و شبہات بڑھ رہے ہیں ۔

مقررین نے حکومت پر زور دیا ہے کہ وہ اپنے وعدے کو پورا کرنے کے حوالے سے پورا روڈ میپ دے اور سودی نظام کے خاتمے کیلئے عملی اقدامات اٹھانے جائیں۔