ہ10 مارچ کو کوروناویکسین لگوانے والے بزرگ شہری یکم اپریل کو دوبارہ ویکسین لگوائیں ،صوبائی وزیر صحت کا پیغام

ہ10 مارچ کو کوروناویکسین لگوانے والے بزرگ شہری یکم اپریل کو دوبارہ ویکسین لگوائیں ،صوبائی وزیر صحت کا پیغام

لاہور :صوبائی وزیر صحت پنجاب ڈاکٹریاسمین راشدنے عوام کے نام اپنے پیغام میں کہاہے کہ 10مارچ کو کوروناویکسین لگوانے والے بزرگ شہری یکم اپریل کو دوبارہ ویکسین لگوائیں۔ کوروناویکسین کی دوسری ڈوزلگوانے والے بزرگ شہری پہلی ڈوزلگوانے والے ویکسینیشن سنٹرپر تشریف لائیں۔کوروناویکسین کی دوسری ڈوزلگوانے والے بزرگ شہریوں کی سہولت کیلئے اتوار کو بھی ویکسینیشن سنٹرزکھلے رہیں گے۔

صوبائی وزیر صحت نے مزیدکہاکہ پہلی ڈوزلگوانے والے بزرگ شہریوں کو دوسری ڈوز21دن بعد بائیسویں دن لگے گی،دوسری ڈوزلگوانے والے شہریوں کو مسیج موصول نہ ہونے کی صورت میں بھی بائیسویں دن ویکسین لگادی جائے گی۔ ویکسینیشن سنٹرزپر وافرمقدارمیں کوروناویکسین دستیاب ہے۔بزرگ شہریوں کی سہولت کیلئے صوبہ بھرمیں 126کوروناویکسینیشن سنٹرزقائم کئے گئے ہیں۔ڈاکٹریاسمین راشدنے کہاکہ پنجاب بھرمیں روزانہ تقریباً20ہزار کے قریب بزرگ شہریوں کو کوروناویکسین لگائی جارہی ہے۔چین سے ویکسین کی10لاکھ ڈوز جلد پاکستان پہنچ رہی ہے۔

صوبائی وزیر صحت نے مزید کہاکہ پنجاب میں کوروناویکسین کی کوئی کمی نہیں ہے۔50سال عمر سے زائدافرادکی رجسٹریشن کا عمل شروع کردیاگیاہے۔محکمہ صحت پنجاب صوبہ بھرمیں کوروناوائرس پر قابوپانے کیلئے تمام تر وسائل بروئے کارلارہاہے